Павлодарға жылжымалы цирк келіп, қала тұрғындары сыртқа шығудан қорқып отыр
Сурет: pixabay
Әлеуметтік желіде жергілікті тұрғын жануарлардың қалай ұстайтынын көрсеткен видео жарияланды. Кадрда жүк көлігінің тіркемесі көрінеді. Арғы жағынан бір жануардың ақырғаны естіледі. Видео авторы бұл арыстан екенін айтады.
Видеоға берілген сипаттамада бұл Цветочная көшесі деп көрсетілген. Барлық жануарлар фургонның ішінде тұр.
Көршіміз сырттан келген цирк әртістеріне үш айға үйін жалға берді. Түні бойы, күндіз де жануарлардың бақырған-шақырған дауыстары естіледі. Учаскелік полиция қызметкері мұнда келді, бірақ ешқандай шара қолданбады. Балаларды сыртқа шығарудан қорқамыз. Бәрінен бұрын, осылай үш ай өмір сүруге мәжбүр жануарларға обал. Instagram-дағы tipavlo парақшасы
Қала әкімі Асайын Байханов қала тұрғындарының наразылығына жауап берді. Ол осы видео астына желіде пікір қалдырған павлодарлықтармен келісіп, осы себепті өз балаларын хайуанаттар бағына, цирктерге апармайтынын атап өтті.
Оның айтуынша, "Жануарларға жауапкершілікпен қарау туралы" заң қазір қарастырылып жатыр, ол жақын арада қабылдануы мүмкін.
Бірақ әзірге Қазақстанда хайуанаттар бағын, цирктерді ұстауға, өкінішке қарай, тыйым салынбаған. Құзыретті ведомства өкілдері сырттан келген кәсіпкерлерден барлық қажетті құжаттарын, соның ішінде жануарларға қатысты қағаздарды да міндетті түрде тексереді. Қандай да бір заң бұзушылықтар анықталған жағдайда әкімшілік сипаттағы барлық шаралар қолданылады. Павлодар қаласының әкімі Асайын Байханов
Әкім бұл жайтқа қатысты толығырақ алда жауап беруге уәде берді, бірақ бұл заңды болғандықтан, басқа қазақстандықтар сияқты павлодарлықтар да билет сатып алатын болғандықтан мұндай мекемелер жұмыс істеуін жалғастыра беретінін, ал жануарлар зардап шеге беретінін ескертті.
