Алматы облысында әуе шарын жел ұшырып әкетті
Сурет: Алматы облыстық ТЖД баспасөз қызметі
Алматы облысында ұшу жөніндегі нұсқаушы мінген әуе шарын жел ұшырып әкетті, деп хабарлайды Zakon.kz
Оқыс оқиға "Ақ бұлақ" тау шаңғы кешенінің аумағында болған. Қатты желдің салдарынан қауіпсіздік арқандары үзіліп, ішінде кісі бар әуе шары тауға қарай бет алды.
Бұл туралы ақпарат Алматы облысының ТЖД пультіне 2021 жылғы 1 қаңтарда сағат 16:43-те келіп түсті.
Оқиға орнына ҚР ТЖМ Талғар қалалық №2 МӨСБ-нің (жеті қызметкер, екі техника) және республикалық жедел-құтқару жасағының (жеті қызметкер, бір техника және кинологиялық құрам) қызметкерлері мен құралдары дереу жетті. Алматы облыстық ТЖД баспасөз қызметі
Тәжірибе мен біліктігінің арқасында нұсқаушы тау басына өздігінен қонды.
Талғар қаласының мамандандырылған өрт сөндіру бөлімінің қызметкерлері Солдатсай шатқалынан нұсқаушыны тауып, оны қауіпсіз жерге жеткізді. Қаза болғандар мен зардап шеккендер жоқ.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
