Бас көтерушілер жедел жәрдем көліктерінің жұмысына кедергі келтіруде
Сурет: Zakon.kz
Алматы қалалық Қоғамдық денсаулық сақтау басқармасының мәліметінше, агрессивті азаматтар мегаполистің емханалары мен ауруханаларына баса-көктеп кіріп, медициналық мекемелердің мүліктері мен жабдықтарына зиян келтіруде.
Заңсыз әрекеттердің салдарынан жедел жәрдемнің бес қызметкері, оның ішінде екі жүргізуші мен үш медицина қызметкері зардап шекті. Зардап шеккендер қалалық стационарларға жеткізілді. Алматы қаласы комендатурасының ақпараттық орталығы
Сонымен қатар, екі жедел жәрдем көлігі талқандалды, Қалалық кардиологиялық орталықтың қабылдау бөлмесі мен клиникалық-диагностикалық бөлімшесінің әйнектері сынған.
Алмалы ауданындағы Алғашқы медициналық көмек көрсету қызметі ғимаратында вандализм актісі тіркелді.
Наурызбай ауданында №7 ҚКА қабылдау бөлмесіне жедел жәрдем көлігі жете алмай жатыр, жол жабық.
Сонымен қатар, деструктивті әрекеттерді жақтаушылар жедел жәрдем көлігін тоқтатып, балаларды ауруханаларға жатқызуға жол бермеуде.
Бұл әрекеттер науқастарға уақтылы медициналық көмек көрсетуге кедергі келтіріп, азаматтардың денсаулығы мен өміріне қауіп төндіреді.
