Ақтөбе облысында үй өртеніп, егіз бала опат болды

Қайғылы оқиға, сурет - Zakon.kz жаңалық 05.02.2022 16:06

Сурет: Facebook/ДЧС Актюбинской области

Қобда ауданы Қызылжар ауылында қайғылы оқиға орны алды. 3 ақпанда кешкісін жекеменшік үй отқа оранды, деп хабарлайды Zakon.kz

Өрт сөндіру қызметінің қызметкерлері келгенге дейін ерікті адамдар өртті өз беттерімен сөндірген. Ең жақын өрт сөндіру бөліміне дейінгі қашықтық 80 шақырым екені айтылады.

Үйде 2017 жылы туылған егіз бала болған, өкінішке қарай олар түтінге тұншығып мерт болды. Өрт шыққан кезде үй иелері жұмыста болған.

Өрттің алдын ала себебі - электр сымдарының қысқа тұйықталуы.

Құрметті облыс тұрғындары мен қонақтары! Ақтөбе облысы ТЖД тұрмыстық жағдайда өрт қауіпсіздігі ережелерін қатаң сақтауды және мүмкіндігінше балаларды ересектердің қарауынсыз қалдырмауды сұрайды. Өрт болған жағдайда дереу 101 немесе 112 нөміріне қоңырау шалыңыздар, делінген облыстық ТЖД баспасөз қызметінің хабарламасында.

Оқи отырыңыз