19:34, 16 наурыз 2022

Қазақстаннан 400 мыңнан астам долларды заңсыз алып шықпақшы болғандар тұтылды

Шекара қызметі, сурет - Zakon.kz жаңалық 16.03.2022 19:34

Екі сөмке толы доллар Алматы қаласының халықаралық әуежайында тәркіленді, деп хабарлайды Zakon.kz.

ҚР Президентінің «Қазақстан Республикасының қаржылық тұрақтылығын қамтамасыз ету жөніндегі шаралар туралы» Жарлығын орындау шеңберінде 15 наурызда шекарашылар Алматы қаласының халықаралық әуежайында елден 400 мың АҚШ долларынан астам ақша әкету әрекетінің жолын кесті, олардың бір бөлігі қос түбі бар сөмкеде тексеруден жасырылды. ҚР ҰҚК баспасөз қызметі

2022 жылы 25 қаңтардан бастап қазіргі уақытқа дейін ҰҚК Шекара қызметі 900 миллион теңгеден астам сомаға декларацияланбаған қолма-қол ақшаны елден алып шығудың алдын алды.

ҰҚК Шекара қызметі шетелге шығу кезінде құқық бұзушылықты болдырмау үшін ҚР қаржы заңнамасының талаптарын сақтау қажеттігін еске салады.