Оралда эскалатордан құлаған сәби қайтыс болды

Оқыс оқиға 13 наурыз күні Оралдағы сауда орталығында болған еді. Анасы қолындағы қызын байқаусызда эскалатордан құлатып алды, деп хабарлайды Zakon.kz.

Мой город басылымы бүгін қыздың қайтыс болғанын жазды.

БҚО денсаулық сақтау басқармасының мәліметінше, бала есін жимастан, көз жұмған.

Қазір істі полиция тексеріп жатыр.

Қайғылы оқиға 13 наурызда Asia Mall сауда орталығында болған. 9 айлық қыз бала эскалатормен екінші қабатқа шығып келе жатқан анасының қолынан құлады. Ол бірден Орал қаласындағы көпсалалы ауруханаға жатқызылды. Ауруханаға түскенде баланың жағдайы өте ауыр болған еді.