Павлодар облысында жолда Toyota Land Cruiser көлігі түгі қалмай жанып кетті

Павлодар облысында Toyota Land Cruiser жол талғамайтын көлігі өртеніп кетті, деп хабарлайды Zakon.kz.

Жол шетінде отқа оранған көлік туралы хабарлама Павлодар облысы ТЖД-ның "101" пультіне 2022 жылғы 27 сәуірде сағат 18:33-те келіп түсті.

Мичурино ауылы мен Павлодар ауылының арасындағы жол шетінде Land Cruiser отқа оранған. Көлік толығымен жанып кетті, өрт аумағы үш шаршы метрді құрады.

Өрт 19:01-де сөндірілді. Оқиға орнында Павлодар облысы ТЖД жеке құрамының үш адамы және бір техникасы жұмыс істеді. Қаза болғандар мен зардап шеккендер жоқ. Павлодар облыстық ТЖД баспасөз қызметі