Маңғыстауда екі қала мен төрт ауылды су басты
Сурет: Instagram/mangystau_tjd
Бұл туралы Маңғыстау облысы Төтенше жағдайлар департаменті бастығының орынбасары, подполковник Бекболат Әбдіқадыровтың деректеріне сілтеме жасап Lada.kz хабарлайды.
Олардың айтуынша, Ақтауда он бір көшені су басқан. Сәйкесінше 12 420 текше метр су. Жұмыс жалғасып жатыр.
Жаңаөзен қаласында 88 тұрғын үй (оның ішінде 35-і су сорылды), 43 аула (оның 28-і су сорылды), 27 көше (оның 20-сы су сорылды), үш мектеп пен бір балабақшаның (оның ішінде үшеуі сорылды) жертөлелері зақымданды. Инертті материалдары бар 130-дан астам қап төселді. 17300 текше метр су сорылды. Қазір жұмыс жалғасып жатыр.
Жаңаөзенде электр қуаты үзілді, жеке сектордың 60 абоненті жарықсыз қалды. ТЖД қызметкерлері 19 адамды эвакуациялады, оның 9-ы туыстарының үйіне орналасты. Жаңаөзен қаласы әкімдігінде штаб құрылды.
Қарақия ауданы, Бостан ауылында бес тұрғын үй мен «Тұрмыс-сервис» ММ-нің сорғы стансасын су басқан. Су толығымен сорылды (950 текше метр).
Қарақия ауданы Сенек ауылында 23 тұрғын үйді, 25 ауланы және спорт мектебінің жертөлесін су басқан. 700-ден астам қап төселді. Су толығымен сорылды (980 текше метр).
Қарақия ауданы Құрық ауылында Құрық-Жетібай жол учаскесінің төртінші шақырымындағы жаңбыр суы коллекторынан суды сору жүргізіліп жатыр. Су толығымен сорылады (100 текше метр).
Шетпе ауылында екі үй мен тоғыз ауланы су басқан. Су толығымен сорылды (16 текше метр).
Салдарын жоюға барлығы ТЖД-ның 81 қызметкері, 19 техника мен 21 мотопомпа жұмылдырылған. Жергілікті атқарушы орган 138 қызметкер, 46 техника және бес мотопомпамен қамтамасыз етті. Сонымен бірге 85 волонтер көмекке келді.
