«Астынан Шыңғыс хан шығып келе жатыр»: Қызылорда – Шымкент тас жолындағы жағдай
Сурет: Zakon.kz
Әлеуметтік желіде аптап ыстықтан деформацияланған Қызылорда – Шымкент тас жолының видеосы жарияланды. Осы жағдайға қатысты «ҚазАвтоЖол ҰК» АҚ түсініктеме берді, деп хабарлайды Zakon.kz.
Ұлттық компанияның мәліметінше, бұл жағдай 8 маусымда Түркістан облысы Төрткөл кенті аумағындағы Самара – Шымкент тас жолының Қызылорда –Шымкент ақылы учаскесінде болған.
Облыста ауа температурасының жоғары болуына орай (+40-45 С) цемент-бетон плитасы көтерілді. Қазіргі уақытта «ШымкентДорСтрой» ЖШС мердігер ұйымы қалпына келтіру жұмыстарын аяқтады. «ҚазАвтоЖол ҰК» АҚ баспасөз қызметі
«ҚазАвтоЖол ҰК» АҚ баспасөз қызметі жол жөндеуге 10 жол қызметкері және 5 бірлік арнайы техника (3 самосвал, 1 тиегіш, 1 гидромолот) жұмылдырылып, қажет жол белгілері орнатылғанын атап өтті.
Қазір жергілікті полиция патрульдеу жұмыстарын атқарып жатыр.
Шыңғыс хан шығып келе жатқан шығар астынан.
Ой, төсеген кілемдерің жиналып қалыпты ғой.
Мүйіз шығады, күте тұрыңдар.
Ақылы жолымыз осы ма?!
Қойыңдар, жігіттер, ондайларыңды – деген пікірлер жазылыпты әлеуметтік желіде жарияланған видеоның астына.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
