Шымкентте үш жасар бала бассейнге құлап кетті: ол комада жатыр

каркас бассейн, сурет - Zakon.kz жаңалық 25.07.2022 10:49

Сурет: Шымкент ТЖД

23 шілде күні кешке Шымкентте ата-анасының қарауынсыз қалған үш жасар бала каркас бассейнге құлап кетті. Бала ауруханаға жатқызылды, деп хабарлайды Zakon.kz.

Оқиға Қызылжар тұрғын алабында болған.

Үлкендердің қарауынсыз қалған бүлдіршін балаларға арналған каркас бассейніне құлап кеткен. Бассейннің тереңдігі 1,4 метр. Бала ауруханаға жатқызылды (жағдайы ауыр, аспирациялық синдром. Ми ісінген. Бірінші дәрежелі кома).Шымкент Төтенше жағдайлар департаментінің баспасөз қызметі

Сонымен қатар 24 шілдеде тағы бір келеңсіз оқиға орын алды.

24 шілдеге қараған түні «Самал-3» шағын ауданындағы жеке тұрғын үйдің ауласында ересектердің қарауынсыз қалған 2019 жылы туған бала септикке құлап кеткен. Бала ауруханаға жатқызылды (жағдайы орташа, аспирациялық синдром).Шымкент Төтенше жағдайлар департаментінің баспасөз қызметі

Департамент ата-аналардан балаларын қадағалауды сұрайды.

Оқи отырыңыз