Бекмырза Игенбердиев "Алматыэлектротранс" ЖШС бас директоры қызметінен босатылды

"Алматыэлектротранс" ЖШС бас директоры Бекмырза Игенбердиев қызметінен босатылды. Бұл туралы Zakon.kz сайтына Алматы қаласының әкімдігі хабарлады.

Қалалық ведомство бұған тергеу шараларының жүргізілуі себеп болғанын атап өтті.

Қазақстан Республикасы Сыбайлас жемқорлыққа қарсы күрес агенттігінің Алматы қаласы бойынша департаменті тергеу іс-шараларын жүргізіп жатқандықтан, Бекмырза Игенбердиев "Алматыэлектротранс" ЖШС бас директоры қызметінен босатылды. Алматы әкімдігінің баспасөз қызметі

Қазнетте 27 қыркүйекте Алматының Антикор қызметкерлері Бекмырза Игенбердиновті 160 мың доллар пара алып жатқан жерінде ұстағаны туралы ақпарат тараған еді.