Бейтаныс адамдар алматылық азаматты алып қашып, 200 мың доллар талап еткен

оқиға, қылмыс, сурет - Zakon.kz жаңалық 03.10.2022 11:48

Сурет: видеодан скриншот

Алматыда 40 жастағы мегаполис тұрғынын Алмалы ауданында орналасқан тұрғын үй кешенінің аумағынан ұстап әкетті, деп хабарлайды Zakon.kz.

Жәбірленушінің айтуынша, бейтаныс адамдар оны босату үшін 200 мың доллар талап еткен, әйтпесе героин егеміз деп қорқытқан.

Қалалық ІІБ бастығының орынбасары Дидар Ахановтың айтуынша, ұсталған азаматтың әйелі полицияға арызбен жүгінген.

Дереу арнайы жедел-тергеу тобы құрылып, алғашқы шаралар кешені жүргізілді. Бұл ұрлаушылардың жеке басын және олардың жәбірленушіні ұстаған жерін жылдам анықтауға мүмкіндік берді.Дидар Аханов

Оның айтуынша, арнайы операция қаланың Түрксіб ауданындағы қоймалар аумағында жүргізілген.

Бұрын бопсалау және бұзақылық жасағаны үшін сотталған төртеуі ұсталды. Ұрланған азамат аман-есен босатылды. Ол қатты соққыға жыққан, медициналық көмекке мұқтаж.Дидар Аханов

Қылмыстың нақты себебі ҚР Қылмыстық кодексінің 125 -бабы, 2-бөлігі "Адам ұрлау" бойынша тіркелген сотқа дейінгі тергеу барысында белгілі болады. Күдіктілер қамауға алынды.

Оқи отырыңыз