Алматы облысында жасөспірім жоғалып кетті

Алматы облысы, жоғалған бала, сурет - Zakon.kz жаңалық 21.10.2022 13:59

Сурет: Instagram/rustam.abdrakhmanov

Алматы облысы Талғар ауданында 14 жастағы мектеп оқушысына іздеу жарияланды. Облыстық полицейлер Zakon.kz сайтына жеткіншекті іздестіру жұмыстары бір айдан астам уақыттан бері жүргізіліп жатқанын хабарлады.

Бұл туралы Алматы облыстық полиция департаменті бастығының орынбасары Рустам Әбдірахманов Instagram желісіндегі парақшасында жариялады. Полиция қызметкері бала 11 қыркүйек күні сағат 14:00 шамасында үйден шығып кетіп, хабарсыз кеткенін жазды.

Жоғалып кеткен баланың есімі Қасейін Мұрал. Ол Талғар ауданына қарасты Көкдала ауылында тұрады.

Полиция өкілі баланың ерекше белгілерін атада. Жасөспірім орта денелі, бойы -165 см. Көзі қоңыр, шашы қара.

Оның үстінде ашық сұр свитер, қара түсті қысқа шалбар және қызыл кроссовка болған.