Қызылордада мектеп оқушылары эвакуацияланды

22 қарашада Қызылордада бір мектептен оқушылар мен мұғалімдер эвакуацияланды. Полицейлердің Zakon.kz-ке хабарлауынша, бұған оқушы қыздың абайсызда бұрыш спрейін шашып кетуі себеп болған.

Облыстық полицейлерге "Белгісіз затпен улану" фактісі бойынша мектептен қоңырау шалынған. Жедел-тергеу тобы дереу мектепке аттанған.

Мектеп оқушылары мен мұғалімдер эвакуацияланды. Полиция департаментінің хабарлауынша, зардап шеккендер жоқ.

Тексеріс нәтижесінде аталған мектептің оқушысы абайсызда бұрыш спрейін шашқаны анықталды.

"Аталған факті бойынша ҚР Қылмыстық кодексінің 140-бабының 2-бөлігі бойынша сотқа дейінгі тергеу амалдары жүргізіліп жатыр".Қызылорда облысы ПД баспасөз қызметі