ШҚО-да 3 балықшы боранның салдарынан көлігіне өздігінен жете алмаған

Балықшылар көлігіне өздігінен жете алмаған, сурет - Zakon.kz жаңалық 18.12.2022 10:46

Cурет: Төтенше жағдайлар министрлігінің баспасөз қызметі

Шығыс Қазақстан облысы Ұлан ауданындағы "Сібе" көлінен "112" қызметіне шақырту түскен. 3 балықшы қолайсыз ауа райынан көліктеріне өздігінен жете алмаған, деп хабарлайды Zakon.kz.

Оларды балық аулаған жердегі түтек боран тығырыққа тіреген. Оқиға орнына келген Ұлан ауданының ТЖ, 13-өрт сөндіру бекетінің қызметкерлері сол жерге жаяу барып, үш адамды көл жағасына, олардың көлігіне жеткізген.

Қауіпсіздік мақсатында жақын маңдағы Бозанбай ауылына дейін еріп жүрді.

ШҚО ТЖД азаматтарды дауылдың алдын алу, жел мен боран соғатыны туралы хабардар еткен. Құтқарушылар тұрғындардан тәуекелге бармауды және маршруттың қауіпсіздігіне көз жеткізіп, елді мекендерден тыс жерлерге шықпауды, мұздың қалыңдығы кемінде 10 см мұзға жеткенде ғана шығуды ескертеді.

Төтенше жағдай кезінде 112 нөмірі бойынша хабарлау қажет.

Оқи отырыңыз