Ұлттық қауіпсіздік комитеті үш қалада арнайы операция жүргізіп, 16 тонна есірткі тәркіледі
Сурет: gov.kz
Ұлттық қауіпсіздік комитеті еліміздің әртүрлі өңірінде ірі көлемде көкнәр шикізатын сату қылмысына қатысы бар топтың заңға қайшы іс-әрекетінің жолын кесуге бағытталған арнайы операция жүргізіп, жалпы көлемі 16 тонна болатын есірткі тәркіледі, деп хабарлайды Zakon.kz.
Ұлттық қауіпсіздік комитетінің ресми сайтында жарияланған ақпаратқа сүйенсек, жедел зерделеу жұмысының нәтижесінде Петропавл қаласында есірткі қылмысына қатысты топтың көмекшілері ұсталып, 5,5 тоннаға жуық апиын алынды.
"Осы операцияның екінші кезеңі барысында Өскемен қаласында 1 тонна көкнәр шикізатын алу үстінде есірткі курьері ұсталды. Дәл осы уақытта, Қарағанды қаласында жалға алған қоймаларда 10 тоннадан аса есірткі шикізатын сақтап келген есірткі қылмысына қатысты топтың ұйымдастырушылары ұсталды".ҚР ҰҚК баспасөз қызметі
Бұған қоса ведомство өкілдері тінту шаралары барысында есірткі қылмысына қатысты топ қатысушыларынан жарақаттаушы және суық қару, сонымен қатар ірі көлемде ақшалай заттар табылып, тәркіленгенін хабарлады.
Сурет: gov.kz
Алдын ала тергеу анықтағандай, аталған апиын тамақ өнімдері түрінде шетелден Қазақстан аумағына кіргізіліп, есірткіге тәуелді ортада саудаланған.
Жалпы қолға түскен есірткі көлемі 16 тоннадан асты. Қазір жедел-тергеу амалдары жүріп жатыр.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
