Ақмола облысында 9 көлік бір-біріне соғылды

Ақмола облысы, жол-көлік апаты, сурет - Zakon.kz жаңалық 09.01.2023 13:35

Сурет: pixabay

8 қаңтарда Астана – Петропавл автожолының 236-шақырымында 9 көліктің қатысуымен жол апаты болып, 9 адам түрлі жарақатпен ауруханаға жеткізілді, деп хабарлайды Zakon.kz.

Ішкі істер министрлігінің Telegram арнасының жазуынша, Петропавл қаласының 34 жастағы тұрғыны ВАЗ 2109 көлігімен Chevrolet Cobalt автокөлігін және Volvo автокөлігін соққан. Содан кейін тағы 6 көлік бір-біріне соғылған: Renault Sandero, Газель, 2 Toyota Camry, Daimler Chrysler және Toyota Prado.

Жол апаты салдарынан 2 жүргізуші мен 7 жолаушы "Авиценна Бурабай" ЖШС-не жеткізілді.

6 жүргізушінің үстінен ҚР ӘҚБтК-нің 610-бабы 1-бөлігі – "Көлік құралдарының жүргізушілерінің адамдардың денсаулығына зиян келтіруге, көлік құралдарына немесе өзге де мүлікке зиян келтіруге әкеп соққан Жол жүрісі ережелерін бұзуы" бойынша әкімшілік хаттамалар толтырылды.