Қарағандыда көпқабатты үйдегі өртке байланысты қылмыстық іс қозғалды

Қарағандыдағы өртке қатысты қылмыстық іс қозғалды, сурет - Zakon.kz жаңалық 11.01.2023 10:25

Сурет: Қазақстан Республикасы Төтенше жағдайлар министрлігінің баспасөз қызметі

10 қаңтарда Қарағандыда 16 қабатты үйдің сегізінші қабатында өрт шықты. Себебі анықталып жатыр. Әзірге облыстық полицияның мәліметінше, қылмыстық іс қозғалды, деп хабарлайды Zakon.kz.

Төтенше жағдайлар министрлігінің мәліметінше, ер адам өртеніп жатқан пәтердің терезесінен құлап кеткен, қазір ауруханаға жатқызылды. Сонымен қатар, барлау кезінде үш адамның (екі ер және бір әйел адамның) мәйіті табылды.

Ал, облыстық полиция оқиғаға қатысты түсініктеме берді.

"Өрт оқиғасынан кейін полицейлер ҚР ҚК-нің 204-бабының 2-бөлігі "Бөтеннің мүлкін абайсызда жою немесе бүлдіру, өртеу, ауыр зардаптарға әкеп соқтыратын немесе қауіптілігі жоғары басқа көздерге абайсыз болу" бабы бойынша қылмыстық іс қозғады." Қарағанды облысы ПД баспасөз қызметі

Аталған баптың санкциялары, екі мың айлық есептік көрсеткішке дейінгі мөлшерде айыппұл салуды немесе сол мөлшерде түзеу жұмыстарына, не екі жылға дейінгі мерзімге бас бостандығынан айыруды көздейді.

Тиісті сараптамалар тағайындалды. Тергеу жүріп жатыр, деп қорытындылады ПД.

Оқи отырыңыз