Алматыда шешесі ұлын пышақтап, артынша өзі қаза тапты

Алматы, әйел, жын, сурет - Zakon.kz жаңалық 26.01.2023 14:55

Сурет: pixabay

Алматыда 42 жастағы әйел ұлын өлтіріп, артынша өзін өлтірген. Бұл туралы Zakon.kz сайтына қалалық полициядан хабарлады.

Полиция департаментінің баспасөз қызметі 1981 жылы туған әйел 2011 жылғы ұлын бірнеше рет пышақтап, кейін өз-өзіне қол жұмсағанын мәлімдеді.

ІІМ баспасөз қызметінің хабарлауынша, сол күні әйел бұрынғы күйеуіне аудио хабарлама жіберген. Хабарламада ол жын кіріп кеткенін, ұлын соның қолымен өлтіргенін айтқан.

Біраз уақыттан кейін күйеуі бұрынғы әйелінің үйіне келіп, әйел мен ұлының мәйітін көрген.

"Қазіргі уақытта тиісті сараптамалар тағайындалды. Бұл фактіні Алмалы аудандық полиция бөлімі ҚР Қылмыстық кодексінің 99-бабы бойынша сотқа дейінгі тергеудің бірыңғай реестріне тіркеді". Алматы қалалық ІІД баспасөз қызметі

Ер адамның айтуынша, оның бұрынғы әйелі соңғы айларда психикалық аурумен ауырған.

Оқи отырыңыз