Республикалық жолдардағы су басу қаупі бар учаскелерде тәулік бойы кезекшілік ұйымдастырылады
Сурет: ҚР ТЖМ баспасөз қызметі
"ҚазАвтоЖол" республикалық жолдардағы су басу қаупі бар учаскелерде тәулік бойы кезекшілік пен патрульдеу ұйымдастырылатынын мәлімдеді, деп хабарлайды Zakon.kz.
"ҚазАвтоЖол" компаниясының баспасөз қызметінің мәлімдеуінше, қабылданған іс-шаралар кешені республикалық маңызы бар автожолдарда қауіпсіз қозғалысты, сондай-ақ жасанды құрылыстардың сақталуын қамтамасыз етуге бағытталған.
"Жергілікті гидрометеорологиялық жағдайларды ескере отырып, су тасқынына қарсы іс-шаралар кешені әзірленді. Мердігер ұйымдар мен жол қызметтеріне су басу қаупін алдын алу бойынша нақты тапсырмалар берілді. Өткен жылдардағы су тасқыны кезеңінің нәтижелеріне сәйкес су басу қаупі жоғары республикалық автожолдардың учаскелері анықталды"."ҚазАвтоЖол" ұлттық компаниясының баспасөз қызметі
Арнайы алдын алу шараларына:
- су өткізу құбырлары мен көпір асты аймақтарының арналарын қар мен мұздан тазарту;
- су тасқыны қаупі бар учаскелерді күнделікті тексеру;
- инертті материалдарды дайындау және т.б. жатады.
350-ден астам қауіпті учаске ерекше бақылауда.
Сондай-ақ компания өкілдері республикалық маңызы бар автожолдар ашық, су басып, шайылып кеткен учаскелер жоқ екенін мәлімдеді.
2023 жылғы 2 ақпанда Түркістан, Кентау қалалары мен Бәйдібек, Ордабасы, Сауран аудандарында аулалар мен көшелерді су басты.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
