Қарлы боранға байланысты Үшарал – Достық тас жолы жабылды

Жетісу облысы төтенше жағдайлар департаментінің баспасөз қызметі қарлы боранға байланысты Үшарал – Достық тас жолы жабылғанын мәлімдеді, деп хабарлайды Zakon.kz.

Жетісу облысында 13 ақпан күні сағат 13:00-ден бастап ауа райының нашарлауына байланысты (боран, қарлы боран, жолдың нашар көрінуі), Үшарал-Достық тас жолы, 84-184 шақырымдар аралығы, Көктұма стансасы – Достық стансасы учаскесінде көліктің барлық түрлері үшін қозғалыс жабылды.

Төтенше жағдайлар департаменті дауылды ескерту болған жағдайда құтқарушылардың ескертуіне құлақ түріп, жолға шықпауды сұрады.

Сурет: ҚР ТЖМ баспасөз қызметі