Қазақстанда құтқарушылар саны көбейеді

Елде құтқарушылар саны артады. Атап айтқанда, өрт сөндіру бөлімшелері 380 адамға, құтқару станциялары 220 адамға, апаттар медицинасы орталығы 94 адамға және «Қазселденқорғау» мекемесі 39 адамға көбейеді, деп хабарлайды Zakon.kz.

Мұның барлығы техногендік сипаттағы апаттар кезінде төтенше жағдай қызметкерлерінің жылдам әрекет етуіне септігін тигізбек.

Өйткені қазір су тасқының алдын алу жұмыстары қарқынды жүріп жатыр. Сондай-ақ бұл шешімнің қабылдануына Түркия мен Сирияда болған жойқын жер сілкінісі де әсер етіп отыр, деп жазады qazaqstan.tv.

Қазақстанда Төтенше жағдайлар министрлігінің жаңа әскери бөлімі құрылды. Ол Ақтөбе қаласында орналасады. Жаңа бөлімнің штаты – 880 адам.