Ақмола облысында автокөлік жүріп келе жатқан пойызға соғылды

Ақмола облысы, пойыз, автокөлік, апат, сурет - Zakon.kz жаңалық 20.02.2023 11:22

Сурет: polisia.kz

Ақмола облысында автокөлік Бурабай – Шортанды учаскесінде шлагбауымның жабылғанына қарамастан теміржол өткеліне шығып кетіп, пойызға соғылды, салдарынан үш адам қаза тапты, деп хабарлайды Zakon.kz.

"Қазақстан темір жолы" ҰК" АҚ баспасөз қызметі таратқан мәліметке сүйенек, 20 ақпаны сағат 6.45-те Ақмола облысының Бурабай – Шортанды учаскесінде автомобиль жүргізушісі бағдаршамның тыйым салынған қызыл белгісіне және шлагбаумның жабылғанына қарамастан теміржол өткеліне шығып кеткен.

Ақмола облысы, пойыз, автокөлік, жол апаты, сурет - Zakon.kz жаңалық 20.02.2023 11:22

Сурет: polisia.kz

Компания өкілдерінің мәлімдеуінше, өткелдегі белгі беру құрылғысы дұрыс жұмыс істеп тұрған, кезекші жұмыс орнында болған.

ҚТЖ автокөлік жүргізушілерін теміржол өткелдері арқылы өту кезінде мұқият болуға және жол қозғалысы ережелерін мүлтіксіз сақтауға шақырады.

"Жол апаты салдарынан Jiefang көлігінің жүргізушісі мен екі жолаушысы оқиға орнында қаза тапты: 1975 жылы туған әйел мен 1985 жылы туған ер адам. Екеуі де елорда тұрғындары. Тағы үш жолаушы орталық аудандық ауруханаға жеткізілді", – деп хабарлады Ақмола облысының полиция департаменті.

Сотқа дейінгі тергеу басталды.