Солтүстік Корея қанатты зымырандар ұшырды

Солтүстік Корея, қанатты зымыран, әскери ядролық қару, сурет - Zakon.kz жаңалық 24.02.2023 09:56

Сурет: pixabay

Солтүстік Корея тарапы бұл әрекет "дұшпан күштерге қарсы ядролық шабуыл жасау қабілетін көрсетуге" бағытталғанын мәлімдеді, деп хабарлайды Zakon.kz.

Қанатты төрт зымыран 24 ақпан күні таңертең ұшырылды, деп жазды Reuters агенттігі Корей халық демократиялық республикасының мемлекеттік бұқаралық ақпарат құралдарына сілтеме жасап.

"Бейсенбі күнгі оқу-жаттығуға Корей Халық армиясының белсенді стратегиялық қанатты зымыран бөлімі қатысты, ол Солтүстік Хамгён провинциясының Ким Чхэк қаласына жақын жерде Корея Халық Демократиялық Республикасының шығыс жағалауында теңізге қарай төрт "Хвасал-2" зымыранын ұшырды", – делінген хабарламада.

Зымырандар 2000 шақырымды 10 208 – 10 224 секунд аралығында жүріп өтіп, нысанаға тиді, делінген әскери баяндамада. Жаттығулар "дұшпан күштерге қарсы өлімге әкелетін ядролық шабуылды жан-жақты күшейту арқылы Корей халық демократиялық республикасының әскери ядролық күшінің әлеуетін" көрсетті.

Басылым Жапония да, Оңтүстік Корея да зымыран ұшырылғанын байқамағанын жазды.

Оқи отырыңыз