Миллиард теңгенің залалы: Маңғыстауда ақбөкендерді заңсыз атып келгендер ұсталды

ҰҚК прокуратура органдарымен бірге 2023 жылғы қаңтарда арнайы операция өткізіп, киіктердің мүйізін сатып келген адамдарды қолға түсірді, деп хабарлайды Zakon.kz.

Ұлттық қауіпсіздік комитеті баспасөз қызметінің хабарлауынша, құнды тауардың ірі партиясын саудалау әрекеті кезінде бұрын сотты болған екі адам ұсталды.

Сурет: ҰҚК баспасөз қызметі

Сурет: ҰҚК баспасөз қызметі

Мемлекетке 1 млрд теңгеден аса залал келтірілгенін және Қазақстандағы ақбөкендердің таралуына едәуір кесірін тигізгендерін дәлелдейтін айғақтар жинақталды.

Сурет: ҰҚК баспасөз қызметі

Сотқа дейінгі тергеу аясында ҚР Қылмыстық кодексінің 339-бабы 3-бөлігі 2-тармағы бойынша заңға қайшы әрекеттің өзге де қатысушыларын анықтауға бағытталған жедел тергеу іс-шаралар кешені жүргізіліп жатыр.