Қызылорда облысында үйдің кіре берісі өртеніп, ер адам қаза тапты

Сурет: Zakon.kz

10 наурызда кешкі уақытта Қармақшы ауданы, Жосалы ауылындағы жеке тұрғын үйдің 15 шаршы метр болатын кіре-беріс бөлмесі толығымен өртеніп кетті. Салдарынан үй иесі көз жұмды, деп хабарлайды Zakon.kz.

"Өрт сөндірушілер 1975 жылғы үй иесін сыртқа алып шығып, жедел жәрдем мамандарына тапсырды. Алайда, өкінішке қарай, ол жан тапсырды. Өрт сағат 21-30-да оқшауланып, сағат 21-40-та толық сөндірілді". Қызылорда облысы ТЖД баспасөз қызметі

Өрттің шығу себебі анықталу үстінде.

Оқиға орнында ТЖД-ның 8 қызметкері және 2 техникасы), аудандық полиция бөлімінің 2 қызметкері және 1 техникасы, жедел жәрдем бригадасы (3 адам және 1 бірлік техника), “ҚазТрансГазАймақ” АҚ аудандық бөлімі (3 адам және 1 бірлік техника), аудандық электр тораптарын тарату бөлімінің 2 адамы мен 1 техника жұмыс істеді.

Оқи отырыңыз