Маңғыстауда жолды жауып тастаған ауыл тұрғындарына мұнайшылар үндеу жолдады

Әлеуметтік желі, сурет - Zakon.kz жаңалық 28.03.2023 18:06

Сурет: видеодан алынды

"Маңғыстаумұнайгаз" АҚ жолды жауып тастаған тұрғындарға қаратып мәлімдеме жасады. Олардың айтуынша, мұндай заңсыз әрекеттер 4500-ге жуық адамды жұмыспен қамтамасыз етіп отырған кәсіпорын қызметіне кедергі келтіруі мүмкін, деп хабарлайды Zakon.kz.

Lada.kz басылымы қазіргі уақытта 450-ге жуық автокөліктің (арнайы техника, жеңіл автомобильдер және жұмысшыларды тасымалдайтын автобустар) жүрісіне кедергі келтірілгенін нақтылайды.

"Жиналғандарды жалпы Маңғыстау облысының, атап айтқанда, жоғарыда аталған мұнай кәсіпорнында жұмыс істейтін Қарақия ауданының халқы үшін теріс әлеуметтік-экономикалық салдарға әкеліп соғуы мүмкін болғандықтан мұнай кәсіпшілігі жұмысына кедергі жасамауға шақырамыз", делінген хабарламада.

27 наурызда Жетібайдың жұмыссыз тұрғындары жолды жауып тастағаны белгілі болды. Олар осы өңірдегі мұнай-газ саласына жұмысқа орналасуды талап етіп, ауыл әкімдігінің алдына жиналған.

"Жергілікті атқарушы органдар тарапы мұнай-газ саласына жұмысқа орналастыру мұнай компанияларындағы бос жұмыс орындарына сәйкес жүргізіліп жатқанын түсіндірді. Алайда, азаматтар тез арада жұмысқа орналастыруды талап етіп, заңсыз наразылық акциясын ұйымдастырып, Жетібай №6 мұнай кәсіпшілігіне апаратын жолды жауып тастады. Қоғамдық тәртіпті бұзып, көліктер мен адамдардың жүріп-тұру еркіндігін шектеді", - дейді Қарақия ауданының әкімдігі.

Оқи отырыңыз