Балқаш тұрғындары екінші күн сусыз отыр: әкім шыдамды болуды сұрады

Сурет: Zakon.kz

Балқаш тұрғындары екі күннен бері суық сусыз отыр. Оған басты сорғы стансасы маңындағы апат себеп болып отыр. Осыған орай, 6 сәуір күні қала әкімі Қайрат Қамзин Балқаш тұрғындарына үндеу жолдап, сабыр сұрады, деп хабарлайды Zakon.kz.

Бұл туралы әкім Instagram-дағы парақшасында видеоүндеу жариялады.

"Құрметті балқаштықтар, су құбырындағы жұмыс жалғасып жатыр... Жұмысты сағат 14:00-15:00-ге дейін аяқтап, магистральдық желілерді толтыруды бастаймыз. Содан кейін біртіндеп кварталішілік желілерді толтырамыз. Бүгін барлығыңыз шыдамды болыңыздар. Су тасушылар да жұмыс істейді. Келтірілген қолайсыздық үшін кешірім сұраймын".Қайрат Қамзин

Балқаш қаласының әкімі су бүгін жеткізілетінін хабарлады.

тізім, сурет - Zakon.kz жаңалық 06.04.2023 14:56

Сурет: Instagram/balqash_qalasy_akimdigi

Қайрат Қамзиннің айтуынша, апат орнында 12 адамнан тұратын топ жұмыс істеп жатыр, бес техника жұмылған.

Қала әкімдігінің хабарлауынша, сағат 10:46-да диаметрі 800 мм магистральдық құбырдан диаметрі 400 мм су төгетін құбырдағы клапан бөлшектелді.

"Камерадан суды айдап жатырмыз. Өйткені су әлі келіп жатыр. Диаметрі 400 мм су төгетін құбырды бітеу басталды. Диаметрі 400 мм су төгетін құбырды тығындау қалды, жұмыс бір мезетте жүргізіліп жатыр. Камерадан су сорылып жатыр. Келіп жатқан су апатты қалпына келтіруге кедергі келтіріп жатыр".Балқаш қаласы әкімдігінің баспасөз қызметі

Ақпаратқа сәйкес, жұмыс 65% орындалған.

"Жөндеу аяқталғаннан кейін магистральдық және кварталішілік су желілерін кезең-кезеңімен толтыруға уақыт қажет".Балқаш қаласы әкімдігінің баспасөз қызметі

4 cәуір күні Балқаш қаласында бас сорғы станциясының аумағында магистральдық құбыр жарылып, тұрғындар суық сусыз қалды.

Сәуірдің 5-і күні Балқаш қаласының әкімдігі сәрсенбі күні сағат 17:00-18:00-ге дейін суық су беру қалпына келтіріледі деп уәде берді.

Оқи отырыңыз