Семейде мектеп-интернатта кәмелетке толмаған бала көз жұмды
Сурет: pixabay
Семейде интернетта кәмелетке толмаған баланың көз жұму фактісі бойынша сотқа дейінгі тергеп-тексеру амалдары қолға алынды, деп хабарлайды Zakon.kz.
Қайғылы оқиға 7 сәуірде орын алған.
Абай облысы ПД мәліметінше, мектеп-интернатта 15 жастағы жасөспірім тамаққа қақалып, жазатайым оқиға орын алды. Жедел жәрдем бригадасы келгенге дейін бала жан тапсырған.
"Осы факті бойынша Әуезов полиция бөлімі сотқа дейінгі тергеп-тексеруді бастады, оның шеңберінде тиісті сот сараптамалары тағайындалды, істің мән-жайларын зерттеудің жан-жақтылығын, толықтығын және объективтілігін қамтамасыз етуге бағытталған қажетті тергеу әрекеттері жүргізілуде", делінген полиция хабарламасында.
Қылмыстық-процестік кодекстің 201-бабының 1-бөлігіне сәйкес сотқа дейінгі тергеп-тексерудің деректері жария етуге жатпайды.
Абай облыстық білім басқармасы баспасөз қызметінің мәліметінше, марқұм бала интернатқа Семей қалалық психологиялық-медициналық- педагогикалық кеңестің 2016 жылғы 13 қаңтардағы "жеңіл сипаттағы ақыл-ес кемістігі" диагнозы бойынша қабылданған.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
