Қарағандыда эскалаторға мінген адамды бейтаныс біреу теуіп құлатты

Оқыс оқиға қаланың сауда үйлерінің бірінде болған. 25 жастағы ер адам эскалаторға мініп, төменге түсіп бара жатқанда, бейтаныс адам артынан жүгіріп келіп арқа тұсынан тебеді, деп хабарлайды Zakon.kz.

Өңірлік ПД атап өткендей, зардап шегуші баспалдақпен төменге домалап, есінен танып қалған. 

Полиция бұзақыны тапты. Ол 31 жастағы ер адам болып шықты, есінің дұрыс еместігіне байланысты психикалық диспансерге орналастырылды.

Ол бұрын да диспансерде есепте тұрған болып шықты.

"Дене жарақатын салу фактісі бойынша ҚР ҚК 293-бабының 1-бөлігі, яғни "Бұзақылық" бойынша қылмыстық іс тіркелді", - деді өңірдегі полиция.