Елордада сауда үйлерінің бірінде қарулы ер адам әйелін кепілге алды

Нұр-Сұлтандағы сауда үйлерінің бірінде қарулы ер адам әйелді кепілге алды. Полицияның мәліметінше, оқыс оқиғадағы екеу ерлі-зайыптылар болып шықты, деп хабарлайды Zakon.kz.

"102" шұғыл байланыс желісіне оқиғаның куәгерлері сағат 17:06-да хабарлап айтқан.

Нұр-Сұлтан қалалық ПД мәліметінше, жұбайымен психологтар жұмыс істеп жатыр. Оқиғаға ажырасу жағдайы түрткі болған.

Аталған факті бойынша сотқа дейінгі тергеу басталды. Қажетті жедел-тергеу іс-шаралары қолға алынды. Оқиғадан қаза тапқандар мен зардап шеккендер жоқ. Нұр-Сұлтан қалалық ПД