Алматыда журналист Владимир Северный әйелімен бірге ұсталды

Сурет: Facebook/Владимир Северный

Журналист Владимир Северный мен оның әйелінің ұсталғаны туралы балалары Ратмир мен Наргиз әлеуметтік желі арқылы айтты. 21 сәуірде Алматы қалалық Полиция департаменті бұл оқиғаға қатысты ресми түсініктеме берді, деп хабарлайды Zakon.kz.

Алматы қалалық Полиция департаментінің хабарлауынша, оларға «Алматы» ЖШС-нің бірінің басшысы хабарласқан. Ол теріс материалдар жарияланбауы үшін ақша бопсалау туралы айтқан.

"Сұралған ақшаның бір бөлігін аудару кезінде ерлі-зайыпты С ұсталды", - делінген полиция хабарламасында

Жедел-іздестіру шараларының барлық кешені жүргізіліп жатыр. Қорытындысы бойынша заңды процессуалдық шешім қабылданады.

2022 жылдың 3 шілдесінде блогер әрі журналист Махамбет Әбжанды Astana Tower бизнес орталығының алдында 50 миллион теңге алып жатқан жерінде «Антикор» компаниясының қызметкерлері ұстады. 2023 жылы 3 ақпанда Әбжан 9 жылға сотталды.

Оқи отырыңыз