Қарағанды тұрғыны ойын клубына ойыншық мылтықпен шабуыл жасағаны үшін бес жылға сотталды

Қарағанды, сот, ойын клубы, сурет - Zakon.kz жаңалық 11.05.2023 09:45

Сурет: pixabay

Қарағандыда ойын клубына ойыншық тапаншамен шабуыл жасап, төрт миллион теңгеге жуық ақшаны тонап кеткен жергілікті тұрғынға сот үкімі шықты, деп хабарлайды Zakon.kz.

"Патриот" telegram арнасының жазуынша, сотталған азамат бұл мекеменің тұрақты клиенті болған. Оқиға болған күні ол туысының көлігін сатып, түскен ақшаны бермей, ойын клубына барған. Ол ойынқұмар болған. Сол күні ол көліктен түскен үш миллионды түгел ұтқызып жіберген.

Ұтылғаннан кейін көп ұзамай ол мекемеге қайта келіп, қызметкерлерді қарумен қорқытып, шабуыл жасаған. Кейін қаруы ойыншық екені белгілі болды. Алайда қылмыскер муляждың көмегімен кассадағы 3,9 миллион теңгені алып, қашып кеткен.

Полицейлер қылмыскерді тез арада қолға түсірді. Қазыбекби аудандық сотының үкімімен сотталушы 5 жылға бас бостандығынан айырылды. Бұған қоса ол ойын клубына 3 миллион 900 мың теңгені қайтарып берді.

Оқи отырыңыз