Екібастұзда медициналық орталықтың жанында ер адамды белгісіз біреу атып кетті
Сурет: pixabay
Екібастұзда 34 жасар ер адамды белгісіз біреу атып кетті, жарақат алған жігіт ауруханаға түсті, деп хабарлайды Zakon.kz.
Павлодар облысы полиция департаментінің мәліметінше, 15 мамыр сағат 17:40 шамасында Екібастұз қаласы полиция басқармасының кезекші бөліміне М.Жүсіп көшесіндегі медициналық орталықтың жанында әйел адам көмек сұрап жатқаны жөнінде хабарлама түскен. Оқиға орнына жеткен полиция қызметкерлері бейнебақылау камераларынан жазбаларды алып, тексере бастаған.
"Белгісіз атыс қаруынан белгісіз адам Екібастұз қаласының 32 жастағы тұрғынына оқ атқаны анықталды. Ер адам ауруханаға жатқызылды. Оқиғаның мән-жайы мен себептері анықталып жатыр".Павлодар облысы полиция департаментінің баспасөз қызметі
Сотқа дейінгі тергеп-тексеру басталды.
"Күдіктілердің бірі ұсталып, УҰИ-ға қамауға алынды", – делінген хабарламада.
Полицейлердің мәлімдеуінше, қазір екінші күдіктінің орналасқан жерін анықтау және оны ұстау бойынша жедел-іздестіру іс-шаралары жүргізіліп жатыр.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
