Абай облысындағы орман өртін бес тікұшақ сөндіріп жатыр

22 мамырдан бастап Абай облысындағы "Семей орманы" мемлекеттік табиғи резерватының аумағында шамамен 1,5 мың гектар аумақта ірі орман өртеніп жатыр, деп хабарлайды Zakon.kz.

Орман шаруашылығы және жануарлар дүниесі комитеті 24 мамырда өрт орнында қазірдің өзінде 5 тікұшақ жұмыс істеп жатқанын хабарлады.

ҚР Төтенше жағдайлар министрлігінің мәліметінше, өртті сөндіруге барлығы 434 адам, 109 техника мен өрт сөндіру пойызы жұмылдырылған.

Сонымен қатар қатты желдің салдарынан өртті сөндіру қиындай түскен. Өртті сөндіруге полицейлер де атсалысып жатыр.

Посмотреть эту публикацию в Instagram

Публикация от QAZFWC (@qazfwc)

Орман өрті екі орталыққа бөлінді - шығыста Ресеймен шекарада және ішкі шекарадан алыс, Бородулиха ауданы Ивановка ауылына қарай.