Алматы облысында канистрдегі бензин жанып, үш жасар баланы күйік шалды

Сурет: pixabay

27 мамыр күні Еңбекшіқазақ ауданы Ташкенсаз ауылында 2020 жылы туған бала күйікпен арухананың жансақтау бөліміне түсті, деп хабарлайды Zakon.kz.

Баланы күйік шалғаны туралы хабарлама Алматы облысы ТЖД кезекші бөліміне сағат 18.40-та түскен.

Ведомство өкілдерінің мәліметінше,екі бала жеке тұрғын үйдің ауласында ойнап жүріп, балалардың бірі бензин құтысының жанында сіріңке жаққан.

Салдарынан үш жасар баланың мойын, арқа, бөксе, оң иық аймағын 20-29% термиялық күйік шалған.

"Бала Еңбекшіқазақ ауданының орталық ауруханасының жансақтау бөліміне жатқызылды".Алматы облысы ТЖД баспасөз қызметі

ТЖД қызметкерлері мынандай қарапайым өрт қауіпсіздігі ережелерін сақтауға кеңес берді:

балаларды қараусыз қалдырмаңыз;
жанғыш заттары бар канистрлерді балалардың қолы жететін жерлерде сақтауға болмайды;
балаларға сіріңке ойыншық емес екендігі туралы балалармен түсіндірме әңгімелер жүргізіңіз;
өрт қауіпсіздігі ережелерін сақтаңыз.