Өскеменде үш жасар бала терезеден құлап, мерт болды

Өскеменде үш жасар бала "Riviera Residence" тұрғын үй кешенінің бесінші қабатындағы пәтердің терезесінен құлап мерт болды, деп хабарлайды Zakon.kz.

"Тұрғын үйдің бесінші қабатындағы пәтер терезесінен абайсызда үш жасар бала құлап кетіп, алған жарақаттарынан оқиға орнында көз жұмды. Сотқа дейінгі тергеу амалдары қолға алынды. Оқыс оқиғаның өзге мән-жайлары анықталу барысында", - деді Шығыс Қазақстан облысының полиция департаменті.

30 мамырда төрт жасар бала Павлодардағы оныншы қабаттағы пәтер терезесінен құлап, тірі қалды, алайда бала жансақтау бөлімінде жатыр.