Алматының орталығы жарықсыз қалды

Алматыдағы Алмалы және Бостандық аудандарының тұрғындары біраз уақытқа жарықсыз қалды. "Алатау Жарық компаниясы" АҚ аталған жағдайға қатысты түсініктеме берді, деп хабарлайды Zakon.kz.

Алмалы ауданында Қабанбай батыр - Мұқанов - Шевченко – Нұрмақов - Гоголь - Амангелді - Абай – Байтұрсынов көшелері ауданында электр жарығы жоқ. Бостандық ауданында Атакентте, яғни Тимирязев-Жароков-Жандосов көшелерінің аумағы электрден ажыратылған.

"Алатау Жарық компаниясы" АҚ баспасөз қызметі хабарлағандай, Алмалы ауданында электр беру қызметі екі сағат ішінде қалпына келтіріледі.

Қазіргі уақытта Бостандық ауданы токқа қосылып үлгерді. 

Сурет: azhk.kz

АЖК апаттың себебін атап көрсетпеді, бірақ уақытша қолайсыздықтарға түсіністікпен қарауды сұрады.