Алматы облысында жылан шаққан 9 жасар бала ауруханада көз жұмды

Сурет: Zakon.kz

Алматы облысы Кеген ауылында жылан шаққан 9 жасар бала көз жұмды. Жеткіншек ауруханаға өте ауыр халде жеткізіліп, жансақтау бөліміне жатқызылған болатын, деп хабарлайды Zakon.kz.

Балада өкпенің ісінуі сияқты асқынулар пайда болған. Науқасқа бірден дезинтоксикациялық ем жасалды. Токсиколог мамандармен келісіле отырып, екі реттік жылан уына қарсы сарысу егілді. Дәрігерлердің айтуынша, клиникалық хаттамаға сай барлық емдік шара жасалған. Алайда, соған қарамастан, жеткіншек 2 күннен кейін жансақтау бөлімінде көз жұмды, деп хабарлайды Astana.tv.

"Алматы қаласының № 1 қалалық балаларға шұғыл медициналық көмек көрсету орталығының токсиколог және реаниматолог дәрігерлері арнайы аудандық ауруханаға келіп, емдік шараларды өзара келісіп тағайындады. Сонымен қатар, республикалық денгейдегі анестезиолог-реаниматолог, токсиколог дәрігерлерімен консилиум өткізілді. Бірақ, интенсивті реанимациялық көмектің дер кезінде көрсетілгеніне қарамастан 2023 жылы 29 маусымда биологиялық өлім тіркелді". Алматы облысы Кеген аудандық ауруханасы бас дәрігерінің орынбасары Мұрат Серікұлы

Жыл басынан бері Алматы облысында 11 адамды жылан шаққан. Ал былтыр жылан шаққан 24 адам медициналық көмекке жүгінген.

Оқи отырыңыз