Жаңалықтар тізбегі
0

Алматы әуежайын басып алу ісі бойынша үкім шықты

Қаңтар, Алматы әуежайы Сурет: Zakon.kz
11 шілдеде Алматының қылмыстық істер жөніндегі мамандандырылған ауданаралық соты 2022 жылғы қаңтар оқиғасы кезінде қалалық әуежайды басып алу ісі бойынша бес айыпталушыға үкім шығарды, деп хабарлайды Zakon.kz тілшісі.

Сот айыпталушыларды кінәлі деп танып, оларға мынадай үкім кесті:
  • Әйгерім Тілеужанова – 4 жылға бас бостандығынан айырылды.
  • Қалас Нұрпейісов – 8 жылға бас бостандығынан айырылды.
  • Нұрлан Дәлібаев – 8 жылға бас бостандығынан айырылды.
  • Ермұхамет Шилібаев – 8 жылға бас бостандығынан айырылды.
  • Жанайдар Кәрменов – 8 жылға бас бостандығынан айырылды.

Тілеужановаға жаппай тәртіпсіздік ұйымдастырды деген (Қылмыстық кодекстің 272-бабы 1-бөлігі) айып тағылды. Нұрпейісовке жаппай тәртіпсіздіктер ұйымдастырды (ҚК 272-бабының 1-бөлігі), автомобильдi немесе өзге де көлiк құралын жымқыру мақсатынсыз құқыққа сыйымсыз иеленіп алу (ҚК 200-бабының 2-бөлігі, 3-тармағы), тонау (ҚК 191-бабының 1-бөлігі), ғимараттарға, құрылыстарға, қатынас және байланыс құралдарына шабуыл жасау немесе оларды басып алу (ҚК 269-бабының 3-бөлігі) баптары бойынша айып тағылды.

Дәлібаев, Шилібаев және Кәрменов жаппай тәртіпсіздіктерге қатысты (ҚК 272-бабының 2-бөлігі) және ауыр зардаптарға әкеп соққан ғимараттарға, құрылыстарға, қатынас және байланыс құралдарына шабуыл жасады, оларды басып алды (ҚК 269-бабы 3-бөлігі) деп айыпталды. Сонымен қатар, Дәлібаевқа көлікті ұрлау мақсатынсыз иемденді (ҚК 200-бабы 2-бөлігі 3-тармағы) деген айып тағылды.

Сот 2022 жылдың 5 қаңтарында Тілеужанова мен Нұрпейісовтің Алматы әуежайында бүлік шығарып, өрт қойю және мүлікті жою сияқты тәртіпсіздіктер ұйымдастырғанын анықтады. Әуежайда оларға Дәлібаев, Шилібаев, Кәрменов қосылған.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: