Павлодар іргесіндегі қызғылт көлдің таяздығын комиссия тексереді

Cурет: wikimedia

Павлодар облысының табиғи ресурстар және табиғатты пайдалануды реттеу басқармасының мамандары, экологтар мен қоғам қайраткерлерінен құралған комиссия Коряковка көлінің неден тайызданғанын тексермек, деп хабарлайды Zakon.kz.

Pavlodarnews.kz-тің хабарлауынша, қорытынды айдың соңына дейін жарияланады.

"Бұл - Қазақстандағы екінші атақты қызғылт көл. Комиссия жұмысының қорытындысы ҚР Экология және табиғи ресурстар министрлігінің сайтында және БАҚ-та жарияланады", - деді ҚР Экология және табиғи ресурстар министрі Зүлфия Сүлейменова.

Комиссия 18 шілдеде көлге қарай шығады.

Бұған дейін әлеуметтік желіде Павлодар маңындағы қызғылт көлдің видеосы пайда болған еді. Кадрларда біреулер көлді құрғатып, сол жерден тұз сатып жатқаны көрінеді.

Оқи отырыңыз