Сейсмологтар Шымкенттің оңтүстік-батысында жер сілкінісін тіркеді

"Геофизикалық зерттеулер институтының" мәліметінше, жер асты дүмпулері 27 шілде күні Астана уақыты бойынша сағат 05:52-де Шардара қаласынан оңтүстік-шығысқа қарай 55 шақырымда және Шымкенттен оңтүстік-батысқа қарай 155 шақырым жерде тіркелген, деп хабарлайды Zakon.kz.

Сейсмологтардың мәліметінше, жер сілкінісінің магнитудасы 4,1 болды.

Жер сілкінісінің энергетикалық класы – 9,6.

Эпицентр координаттары: солтүстік ендік 41,14 градус, шығыс бойлық 68,60 градус.

Бұған дейін 22 шілдеде мамандар Алматыдан оңтүстікке қарай 299 шақырым жерде жер сілкінісін тіркеген.