Алматы облысында жеңіл көлік пен мопед соқтығысып, 17 жасар бозбала мерт болды

22 тамызда Алматы облысы Байсерке ауылында жеңіл көлік пен мопед соқтығысып, оқиға орнында 17 жастағы бозбала тіл тартпай кетті, деп хабарлайды Zakon.kz.

Марқұм бозбала мопед тізгінінде болған.

Сурет: Zakon.kz

Toyota Camry көлігін тізгіндеген бойжеткен Жұбанов көшесімен оңтүстік бағытта келе жатып жол қилысында тоқтамастан тікке өткен.

Сурет: Zakon.kz

Сол кезде бар жылдамдығымен мопед жеңіл көліктің оң жағындағы алдыңғы есігіне соғылған. Ауыр соққы салдарынан мопедтің өзі бір жаққа, оның жүргізушісі бір жаққа ұшып түскен.

Сурет: Zakon.k

Мопед тізгініндегі 17 жастағы бозбала оқиға орнында қаза тапты. 

Сурет: Zakon.kz

Оқиға орнында Алматы облысының анықтаушылары, полиция қызметкерлері, криминалистері жұмыс істеп жатыр. 

Сурет: Zakon.kz

Қажетті сараптамалар тағайындалды. Оқиғаның мән-жайы анықталу үстінде.