Түркістан облысында бес жасар қыздың өліміне қатысты сот басталды
![Түркістан облысында бес жасар қыздың өліміне қатысты сот басталды, сурет - Zakon.kz жаңалық 07.09.2023 09:26](https://kaz.zakon.kz/pbi/WEBP/2023-12-20/file-e8167f97-0258-40dd-8a8b-f3f300de9079/800x450.webp)
6 қыркүйек күні сот 13 шілдеде сотталушының үйінен мәйіті табылған Сарыағаш ауданындағы бес жасар қыздың жан түршігерлік өліміне қатысты істі қарай бастады, деп хабарлайды Zakon.kz.
Процестің басталғаны туралы адвокат Талғат Есімов 6 қыркүйек күні түстен кейін өзінің Telegram-дағы арнасында айтты. Адвокаттың айтуынша, сот процесі басқа аймақта өтіп жатыр.
"Процеске қатысушылардың қауіпсіздігін қамтамасыз ету және үлкен резонанс аясында кез келген шектен шығудың алдын алу мақсатында сот процесі басқа облыстағы тергеу изоляторының аумағында өтіп жатыр. Менің жеке ұстанымым: Үкім бір, сотталушыны қоғамнан өмір бойы оқшаулау болуы керек".Талғат Есімов, заңгер
"Отырар" басылымының хабарлауынша, бұл іске қатысты үкім алдағы уақытта шығады.
13 шілде күні Түркістан облысы Сарыағаш ауданының тұрғыны бес жасар қызының жоғалып кеткенін айтып, полицияға жүгінген. Ауыл тұрғындары полициямен бірлесіп, қызды іздеген. 5 жасар қыздың денесі жергілікті тұрғынның үйінің шатырынан зорлық-зомбылық белгілерімен табылған. Ер адам бұрын ауыр қылмыс жасағаны үшін сотты болған. Бұл атышулы қылмысқа қатысты Бас прокуратура мәлімдеме жасады.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript