Екібастұзда төрт жасар бала кәріз шұңқырына түсіп кетті

Кәріз шұңқыры, Екібастұз, төрт жасар бала, оқыс оқиға, сурет - Zakon.kz жаңалық 18.09.2023 18:54

Сурет: pixabay

Екібастұзда 18 қыркүйекте 4 жасар бала беті ашық қалған кәріз шұңқырына түсіп кетті. Зардап шеккен бала шамамен сағат 13:39-да ауруханаға жеткізілді. Медициналық бригада оқиға орнына бес минутта жетті, деп хабарлайды Zakon.kz.

Аталған оқыс жайтқа байланысты Pavlodarnews.kz жолдаған сауалға берген жауабында "Горводоканал" мекемесі Оңтүстік ауылына кәріз құбырын жүргізу кезінде шұңқырдың темір қақпағы бүлінгенін, қазір асфальтты қалпына келтіру жұмыстары жүргізіліп жатқанын жеткізді.

"Жаяу жүргіншілер жедел жәрдем көлігі келгенге дейін баланы өз беттерімен құдықтан алып шыққан. Тізе мен арқа жарақатын алған төрт жасар бала Екібастұз қалалық ауруханасына жеткізілді", – дейді жедел жәрдем станциясының баспасөз қызметі.

Екібастұздың полиция басқармасы аталған фактіге байланысты тексеру жүргізіп жатқаны да нақтыланады.

Оқи отырыңыз