Құжаттарды қолдан жасау, мал сою талабын бұзу: СҚО-да 24 лауазымды тұлға жауапқа тартылды

Сурет: Zakon.kz

СҚО прокурорлары талдау жүргізу кезінде ветеринария саласындағы елеулі бұзушылықтарды анықтады. Бұл жөнінде Zakon.kz сайтына ведомствоның баспасөз қызметі хабарлады.

Қадағалау органы ветеринариялық қызметтер "Ветеринария туралы" Заңның талаптарын сақтамастан, ветеринариялық құжаттарды беру және жануарларды вакцинациялау тәртібін бұзғанын, ірі қара малға диагностикалық зерттеулерді толық көлемде жүргізбегенін атап өтті.

Талдау барысында облыс прокурорлары анықтаған бұзушылықтар:

ветеринариялық құжаттар қолдан жасалған (ет өнімдеріне ветеринарлық анықтамалар және вакцинация актілері), олар бойынша Қылмыстық кодекстің 385-бабы бойынша 4 сотқа дейінгі тергеп-тексеру басталды;
аудан әкімдіктері ветеринариялық ережелердің талаптарын бұза отырып, мал қорымдарын тиісті күтіп-ұстауды қамтамасыз етпеген;
арнайы пункттерде емес, жеке аулада мал сою тәжірибесі жалғасуда.

"Қадағалау органының актісі бойынша 24 лауазымды тұлға, оның ішінде Ветеринария басқармасының басшысы тәртіптік жауапкершілікке тартылды, жол берілген бұзушылықтарды жою және осы саладағы жағдайды жақсарту бойынша кешенді жоспар әзірленді".Солтүстік Қазақстан облысының прокуратурасы

Облыстық прокуратура малды белгіленбеген жерлерде сойған адамдар әкімшілік жауапкершілікке тартылатынын нақтылады.

Оқи отырыңыз