Қызылорда облысында мемлекет қаражатын жымқырған кәсіпкер сотталды
Сурет: Zakon.kz
Қызылорда облысы прокуратурасының мәліметінше, қадағалаушы орган "Байқоңыр" әлеуметтік кәсіпкерлік корпорациясы" АҚ қызметіне тексеру жүргізді. Тексеру барысында сонау 2018 жылы ӘКК-нің еншілес ұйымы "Агро Холдинг "Байқоңыр" ЖШС "Мега Агро" ЖШС-дан 2400 тонна күріш астығын 120 млн теңгеге сатып алу туралы келісім-шарт жасағаны анықталды. Қаражат толық көлемде аударылған.
Айта кетерлігі, сол мерзімде "Агро Холдинг "Байқоңыр" ЖШС-ның да, "Мега Агро" ЖШС-ның да басшысы Манарбек Еспанов болған. Қаражат толық көлемде аударылған. Өз кезегінде Жеткізуші өз міндеттерін толық орындамай, 101 млн теңге мемлекет қаражатын бас пайдасына шығындаған.
"Манарбек Еспанов мемлекеттiк функцияларды орындауға уәкiлеттік берілген адам бола тұра, өзіне тиесілі "Мега Агро" ЖШС арқылы бюджет қаржысын жымқыру мақсатында аффилирленген шарт жасаған".Қызылорда облысының прокуратурасы
Бұл факт бойынша облыс прокуратурасы 2022 жылы ҚК-нің 189-бабы 4-бөлігінің 2-тармағымен қылмыстық іс тіркеді. Тергеу барысында Еспановқа қатысты "күзетпен ұстау" түріндегі бұлтартпау шарасы таңдалды, оның әрекеті ҚК-нің 361-бабы 4-бөлігінің 3-тармағымен қайта сараланып, ол кінәсін толық көлемде мойындады, қылмыстық іс сотқа жолданды. Сот Еспановқа 3 жыл 6 ай мерзімге бас бостандығын шектеу түріндегі жазасы тағайындады.
"Мемлекетке келтірілген 101 млн теңге көлеміндегі залал толық көлемде өндірілді".Қызылорда облысының прокуратурасы
Алматы жер қатынастары басқармасының бұрынғы басшысы жемқорлық жасады деген күдікке ілінді. Ол инвестициялық жобаларды іске асыру сылтауымен жеке тұлғаларға мемлекеттік жер қорынан жер учаскелерін төмен бағамен заңсыз иемденуге жәрдемдесті деп күдіктелуде.
