Ақтөбе облысында алаяқтар бюджет қаражатының 970 миллион теңгесіне жоқ ірі қара мал сатып алған

Қаржылық мониторинг агенттігінің 15 қараша күні мәлімдеуінше, үш адам "Аграрлық несие корпорациясы" АҚ Ақтөбе филиалынан несие алу кезінде "ірі көлемде алаяқтық жасады" деген күдікке ілінді. Күдіктілер несиені "Сыбаға" мемлекеттік бағдарламасы бойынша мал сатып алу алған.

"Күдіктілер жалған құжаттарды пайдалана отырып, асыл тұқымды ірі қара мал сатып алуға бөлінген кредиттік қаражатты қолма-қол ақшаға айналдырған, сондай-ақ бөгде тұлғаларға шаруа қожалықтарын ресімдеген. Құқыққа қайшы әрекеттері арқылы олар мемлекетке жалпы сомасы 970 млн теңгеге аса ірі мөлшерде залал келтірген".ҚР ҚМА баспасөз қызметі

Үш күдікті ұсталды, оларға қатысты сот "қамауда ұстау" түріндегі бұлтартпау шарасын қолданды. Күдіктілердің шамамен 260 млн теңгеге жылжымалы және жылжымайтын мүлкіне тыйым салынды. Тергеу мүддесінде өзге ақпарат жариялауға жатпайды.

Оқи отырыңыз

Жайықтың суы қауіпті шектен асты. Атырау облысындағы су тасқыны жағдайлары бақылауда

17:42, 05 мамыр 2024

ҚР ТЖМ су тасқыны жағдайларына байланысты соңғы мәліметтермен бөлісті

17:13, 05 мамыр 2024

Жайық өзенінің суы қауіпті шектен асып, Махамбет ауданында эвакуациялық пункттер ұйымдастырылды

16:18, 05 мамыр 2024