Павлодар облысының тұрғынынан құны 2 млрд теңге болатын ақбөкен мүйіздері тәркіленді

Ақсу қаласының тұрғынынан құны екі миллиард теңге болатын ақбөкен мүйіздері тәркіленді, деп хабарлайды Zakon.kz.

Ведомство өкілдерінің мәлімдеуінше, күдіктінің гаражын тінту кезінде киік мүйіздері сақталған 8 жәшік табылды. Қызыл кітапқа енген жануардың жалпы салмағы 170 келіге жуық болатын 800-ге жуық мүйізі тәркіленді.

"Осы факті бойынша ҚР ҚК-нің 339-бабының 1-1-бөлігі бойынша сотқа дейінгі тергеу басталды. Күдіктіге қатысты келу туралы міндеттеме түріндегі бұлтартпау шарасы таңдалды. Биологиялық және трассологиялық сараптамалар тағайындалды", – деді Павлодар облысы ПД бастығы Василий Скляр.

Ұсталғандардың мемлекетке шамамен 2 млрд теңге зиян келтірген.