Атырауда қатты жел салдарынан ғимараттардың шатыры ұшып, айнала астан-кестен болды

Атырау облысы ТЖД Қоғаммен байланыс тобының хабарлауынша, қазіргі уақытта өңірдегі құтқарушылар күшейтілген жұмыс режиміне көшірілген. 

"Атырау қаласында қатты желдің салдарынан Махамбет көшесі, 118 "г", Нұрсая ы/а, №1,  Әуезов көшесі, №58, Н. Ондасынов көшесі, №109, Азаттық даңғылы, №133 "б", Азаттық даңғылы, №67, Қ. Ахмедияров көшесі, №19, Байжігітова көшесі, №61 мекенжайларында орналасқан үйлер мен ғимараттар шатырының ұшуы, балконның құлауы, теректің, күнқағардың құлауы сынды төтенше жағдай орын алды. Оқиға орындарында Жедел-құтқару жасағының құтқарушылары альпинистік жабдықтар мен авариялық-құтқару құралдарының көмегімен конструкцияның авариялық фрагменттерді бекітіп, зақымдалған бөлшектерді алып тастап, жолдарды бүлінген шатыр конструкцияларынан тазартты". Атырау облысы ТЖД

Осылайша құтқарушылар тұрғындардың жарақат алу мүмкіндігінің алдын алды.

"Келіп түскен қоңыраулардың көптігіне қарамастан, құтқарушылар тез, жедел әрекет ете отырып, тұрғындарға көмек көрсетіп үлгеруде. Орын алған барлық жағдайда зардап шеккендер жоқ", делінген хабарламада. 

Айта кетсек, СҚО-да 150-ден аса елдімекен қатты желдің салдарынан жарықсыз қалған.

Оқи отырыңыз

"Қар аралас жаңбыр жауады". "ҚазАвтоЖол" ауа райына байланысты мәлімдеме жасады

20:47, 23 қазан 2024

Түркістан облысында полиция браконьерлерден 16 ақбөкеннің ұшасы мен қару-жарақ тәркіледі

15:13, 23 қазан 2024

ІІМ: Синтетика өндірумен айналысқан есірткі зертханасы жойылды

10:15, 23 қазан 2024